समाचारहरू

बर्जु गाउँपालिका–३ की ३५ वर्षीया चन्द्रकला रायलाई घरायसी विवादका क्रममा कुटपिट गरी हत्या गरेको आरोपमा प्रहरीले ४२ वर्षीय पति शैलेन्द्रकुमार रायलाई चैत १० गते गिरफ्तार गरेको छ ।

पीडितलाई आरोपितले घरायसी विवादका क्रममा ०७९ फागुन ३० गते कुटपिट गरी घाइते बनाएका थिए ।

पीडितको कोशी अस्पताल विराटनगरमा फागुन ३० गतेदेखि उपचार भइरहेको अवस्थामा चैत ८ गते मृत्यु भएको थियो ।

पीडितको मृत्यु भएपछि पीडितका माइतीले आरोपितविरुद्ध चैत १० गते इलाका प्रहरी कार्यालय दुहवीमा उजुरी दिएका थिए ।

शवको पोष्टमार्टम चैत ८ गते कोशी अस्पतालमा गरिएको थियो ।

पीडित पक्षले सोही दिन शव बुझी वर्जु गाउँपालिका–३ स्थित खोलामा सद्गत गरेको थियो ।

जयकृष्ण यादव