समाचारहरू

सोलुखुम्बु, नेचासल्यान गाउँपालिका स्थायी घर भइ सिद्धिचरण नगरपालिका–११ सोब्रू बस्दै आएकी ३३ वर्षीया कल्पना खड्का राईको हत्या गरेको आरोपमा प्रहरीले ६१ वर्षीय पति रामबहादुर राईलाई कात्तिक १९ गते गिरफ्तार गरेको छ ।

मादक पदार्थ सेवन गरेका आरोपितले घरायसी विवादका क्रममा कात्तिक १८ गते दाउराको चिर्पटले टाउकोमा प्रहार गरी हत्या गरेको जिल्ला प्रहरी कार्यालयका डिएसपी सुकदेव खनालले बताउनु भयो ।

पत्नी हत्याका विषयमा स्थानीयले प्रहरीलाई कात्तिक १९ गते खबर गरेपछि आरोपितलाई घटनास्थलबाटै अनुसन्धानका लागि गिरफ्तार गरेको डिएसपी खनालले बताउनु भयो । शवको पोष्टमार्टम जिल्ला अस्पतालमा कात्तिक २० गते गरिएको छ ।

सोही दिन पीडित पक्षले शव बुझी सिद्धिचरण नगरपालिका–४ सिस्नेखोलामा सद्गत गरेको छ ।

सरस्वती बानिया