समाचारहरू

हेटौँडा नगरपालिका–१०, बसपार्कस्थित होटल रत्ना होटलमा भदौ १० गते हेटौँडा नगरपालिका-११ नवलपुर निवासी पत्नी २३ वर्षीया एलिसा न्यौपानेको हत्या गरी फरार रहेका पति ३२ वर्षीय समीर खानलाई प्रहरीले ०८१ भदौ १७ गते गिरफ्तार गरेको छ ।

पत्नी हत्याका आरोपित खानलाई हेटौँडा नगरपालिका–५, लट्टिनाथमार्गबाट गिरफ्तार गरेको जिल्ला प्रहरी कार्यालयका डिएसपी लक्ष्मी भण्डारीले बताउनु भयो । ।

हेटौँडा नगरपालिका–४, कमलडाँडा निवासी खानले पीडितलाई दोस्रो विवाह गरी ल्याएको पाइएको र  ०८१ भदौ १० गते होटलमा बस्न लगेर सोही दिन साँझ पत्नी एलिसाको हत्या गरी फरार भएको डिएसपी भण्डारीले जानकारी दिनु भयो ।

घट्नाको अनुसन्धानको क्रममा अभियुक्त खानलाई भाग्ने कार्यमा सहयोग पुर्‍याएको भन्दै खानकी आमा ५५ वर्षीया सैरुन खान, पत्नी २६ वर्षीया रविना खातुनलाई प्रहरीले भदौ १५ गते नै गिरफ्तार गरेको थियो ।

सोही घटनामा संलग्न भएको अरोपमा प्रहरीले खानका ससुरा पर्सा जिल्लाको बीरगन्ज महानगरपालिका–३०, लालपर्साका ५६ वर्षीय लालबाबु खाँ पैठान र जेठान ३० वर्षीय फैयाज अहमदलाई समेत प्रहरीले गिरफ्तार गरी अनुसन्धान थालेको छ ।

शको पोष्टमार्टम हेटौँडा अस्पतालमा भदौ ११ गते गरिएको थियो ।

पुष्पराज अधिकारी