समाचारहरू

पत्नी हत्याका आरोपित लहान नपा ६ का ३५ वर्षीय विशेश्वरप्रसाद साहलाई जिल्ला अदालत सिरहाले फागुन २३ गते सर्वस्वसहित जन्मकैदको फैसला गरेको छ ।

न्यायाधीश राजेन्द्रप्रसाद अधिकारीको इजलासले सो फैसला गरेको सहायक सरकारी वकिल दिपेन्द्र दनुवारले बताए ।

३२ वर्षीया बबितादेवी साहलाई ०७३ भदौ २ गते आरोपितले राति घरायसी विवादमा सिलौटाले टाउकोमा हिर्काएर हत्या गरका थिए ।

इलाका प्रहरी कार्यालय लहानमा पीडित पक्षले भदौ ३ गते उजुरी दिएका थिए । मृतकको शवको पोष्टमार्टम लहान स्थित रामकुमार सारदा उमाप्रसाद मुरारका अस्पतालमा भदौ ३ गते गरिएको थियो ।

आरोपिततलाई इलाका प्रहरी कार्यालय लहानले भदौ २ गते गिरफ्तार गरेको थियो । जिल्ला अदालतको आदेशमा आरोपित भदौ ३० गते देखि पुर्पक्षको लागि थुनामा रहेका थिए ।

दुर्गा परियार