समाचारहरू

बागलुङ जिल्ला बागलुङ नगरपालिका– ६ स्थायी घर भई पर्वत जिल्ला कुश्मा नगरपालिका– ४ डम्डारेखोला बस्ने ४१ वर्षीया सिता परियारलाई हत्या गरेको कसुरमा पति ४३ वर्षीय राजु परियारलाई जन्मकैदको सजाय भएको छ ।

न्यायधिश आनन्दकुमार श्रेष्ठको जेठ ३० गतेको इजलासले पति राजु परियारलाई जन्मकैदको सजाय सहित एक लाख रुपियाँ क्षतिपुर्ति पीडित राहत कोषमा रहने गरी फैसला सुनाएको हो ।

आरोपित राजु परियारले ०७८ माघ २८ गते पत्नी सिता परियारको हत्या गरेको आरोपमा प्रहरीले गिरफ्तार गरिे २०७८ फागुन २२ गते पर्वत जिल्ला अदालतमा हत्या आरोपमा मुद्दा दायर गरेको थियो ।

आरोपितलाई अदालतको २०७८ फागुन २२ गतेको इजलासले पुर्पक्षका लागि थुनामा पठाउने आदेश दिएको थियो ।

मृतकका दुई नावालक छोरा छोरीलाई पालन पोषणका लागि पीडित राहत कोषबाट रकम उपलब्ध गराउने गरी फैसला भएको श्रेष्तेदार राजु ढुंगाानाले बताउनुभयो ।

सन्तोष थापा