पत्नी कुटपिट घटनाका आरोपित गिरफ्तार

  ०८० असोज १८ गते

म्याङलुङ नगरपालिका–९ की २२ वर्षीया वर्षा लिम्बूलाई कुटपिट गरी घरेलु हिंसा गरेको आरोपमा प्रहरीले २७ वर्षीय पति राज लिम्बूलाई असोज १७ गते गिरफ्तार गरेको छ ।

घरायसी विवादका क्रममा आरोपितले ०८० असोज १७ गते कुटपिट गरी घरेलु हिंसा गरेको आरोपमा पीडितले आरोपितविरुद्ध सोही दिन जिल्ला प्रहरी कार्यालयमा उजुरी दिनु भएको थियो ।

पीडित पक्षको उजुरीका आधारमा आरोपितलाई अनुसन्धानका लागि गिरफ्तार गरेको जिल्ला प्रहरी कार्यालका इन्स्पेक्टर तेजप्रसाद भट्टराईले बताउनु भयो ।

कुटपिटबाट घाइते पीडितको जिल्ला अस्पतालमा उपचार भइरहेको छ ।


सुरेश खत्री