पत्नीलाई खुकुरी प्रहार गरी पतिद्वारा आत्महत्या

 

फालेलुङ गाउँपालिका–६ की ५६ वर्षीया बिमरानी राईलाई खुकुरी प्रहार गरी ५७ वर्षीय पति शान्तकुमार राईले आत्महत्या गरेका छन् ।

वैशाख १४ गते पत्नीलाई खुकुरी प्रहार गरी घाइते बनाएर शान्तकुमारले सोही दिन झुण्डिएर आत्महत्या गरेको जिल्ला प्रहरी कार्यालयका डिएसपी हरि खतिवडाले बताउनु भयो ।

घरायसी विवादलाई लिएर शान्तकुमारले पत्नीलाई खुकुरी प्रहार गरेको हुन सक्ने डिएसपी खतिवडाले बताउनु भयो ।

पतिको खुकुरी प्रहारबाट शरीरका विभिन्न भागमा चोट लागेकी बिमरानीको झापाको विर्तामोडस्थित वि एण्ड सी अस्पतालमा उपचार भइरहेको छ ।

शान्तकुमारको शव पोष्टमार्टमका लागि जिल्ला अस्पतालको शव गृहमा राखिएको छ ।


सहमान विश्वकर्मा