समाचारहरू

पाण्डुसैन-३ की ३० वर्षीया ज्ञानु जोशी रोकायालाई कुटपिट गरी गम्भीर घाइते बनाएको आरोपमा प्रहरीले ३८ वर्षीय पति जनकबहादुर रोकायालाई पुस २१ गते गिरफ्तार गरेको छ ।

पीडित महिलालाई आरोपितले पुस १७ गते कुटपिट गरी बाँया हात भाँचिएको र दुवै आँखामा चोट लागेको भन्दै पीडित महिलाले पुस २० गते जिल्ला प्रहरी कार्यलयमा उजुरी दिएकी थिइन् ।

पीडित महिलाको उजुरी आएपछि अनुसन्धानका लागि आरोपितलाई गरिफ्तार गरिएको जिल्ला प्रहरी कार्यलयकी प्रहरी जवान सरीता गिरीले जानकारी दिइन् ।

उनले आरोपितविरुद्ध कुटपिटका साथै अङ्गभङ्ग गरेको आरोपमा मुद्दा चलाउन लागिएको बताइन् ।

पीडित महिलाको जिल्ला स्वास्थ्य कार्यलयमा उपचार भइरहेको छ । पतिको कुटाइका कारण पीडित महिलाको अनुहार, घाँटी र शरीरका विभिन्न अङ्गमा चोट लागेको उपचारमा संलग्न चिकित्सकले बताए ।

पदम सिंह