आगो लगाएर पत्नीकाे हत्या प्रयास

  ०७३ माघ ७ गते

नेपालगञ्ज उमनपा-१२ की २२ वर्षीया अमिसा खटिकलाई २६ वर्षीय राजेन्द्र खटिकले आगो लगाएर हत्या प्रयास गरेको प्रहरीले जनाएको छ ।

phototo20170120banke (2)

मटीतेल खन्याएर जलाइएकी खटिकको भेरी अञ्चल अस्पतालमा उपचार भइरहेको छ । वडा प्रहरी कार्यालय, फुल्टेक्राका इन्स्पेक्टर राजन गौतमका अनुसार खटिकलाई मटीतेल खन्याएर आगो लगाइदिएका हुन् । पीडित महिलाको छाती, अनुहार, हात र घाँटीमा जलेर घाउ लागेको छ । आगो लगाएर फरार रहेका राजेन्द्रको खोजी भइरहेको प्रहरीले जनाएको छ ।

phototo20170120banke (1)

करिब चार वर्षपहिले विवाह भएको उनको डेढ वर्षीय एक छोरीसमेत रहेकी छन् । भारतको बहराइच माइतीघर भएकी पीडित अहिले बोल्न नसक्ने अवस्थामा छिन् । चिकित्सकहरूका अनुसार पीडित महिलाको शरीर ५० प्रतिशत भन्दा बढी भाग जलेको छ ।


विनोद पाण्डे