समाचारहरू

महालक्ष्मी नगरपालिका-१ कटहरेकी २६ वर्षीया सरिता दर्जीको २९ वर्षीय पति विजय दर्जीले खुकुरी प्रहार गरी हत्या गरेको प्रहरीले जनाएको छ ।

पत्नीको हत्यापछि विजयले समेत आत्महत्याको प्रयास गरेको जिल्ला प्रहरी कार्यालयका डिएसपी राजबाबु महर्जनले बताउनु भयो ।

मादक पदार्थ सेवन गरेका आरोपितले ०८१ भदौ ३० गते पत्नीलाई खुकुरी प्रहार गरी घाइते बनाएर आत्महत्याको प्रयास गरेका थिए ।

घाइते सरितालाई उपचारका लागि वीपी कोइराला स्वास्थ्य विज्ञान प्रतिष्ठान, धरान घोपा लैजाने क्रममा बाटो मै मृत्यु भएको थियो ।

आत्महत्याको प्रयास गरेका घटनाको आरोपितको समेत जिल्ला अस्पतालमा उपचार हुन नसकेपछि घोपा पठाइएको छ ।

मृतक सरिताको शव पोष्टमार्टमका लागि जिल्ला अस्पतालमा राखिएको छ ।

ईश्वर थापा