समाचारहरू

तुलसीपुर उमनपा-१५ की ३३ वर्षीया शारदा डाँगीलाई धारिलो हतियार प्रहार गरी हत्या प्रयास गरेको आरोपमा ३८ वर्षीय पति खुमराज डाँगीलाई प्रहरीले पुस ८ गते गिरफ्तार गरेको छ ।

पीडित महिला घर नजिकै कुलोमा कपडा धोइरहेको अवस्थामा आरोपितले लुकेर धारिलो हतियार प्रहार गर्दा गर्दन र टाउकोमा चोट लागेको प्रहरीले जनाएको छ ।

पत्नीलाई धारिलो हतियार (खुर्पा) प्रहार गरेपछि आरोपितले तरकारी खेतीका लागि प्रयोग गर्ने विषादी सेवन गरेका थिए । विषादी सेवनपछि बेहोस भएका डाँगीलाई पुस ८ गते प्रहरीले गिरफ्तार गरेको थियो ।

पीडित घाइते र आरोपित दुवै जनाको उपचार राप्ती अञ्चल अस्पतालमा भइरहेको प्रहरीले जनाएको छ । उपचारपछि हत्या प्रयास गरेको आरोपमा आरोपितलाई ज्यानमार्ने उद्योगसम्बन्धी मुद्दा चलाउन लागिएको जिल्ला प्रहरी कार्यालय दाङकी एसपी दुर्गा सिंहले बताइन् ।

जे.एन.सागर