समाचारहरू

चाँगुनारायण नपा-३ थालिङ थापागाउँकी ४० वर्षीया बुना थापालाई पुस ९ गते ४४ वर्षीय पति ज्योतीराज थापाले खुकुरी प्रहार गरी हत्या गरेको प्रहरीले जनाएको छ ।

हत्या आरोपित ज्यातीराजले पत्नीको हत्या गरेको खबर प्रहरीमा गरेपछि आफूले विष सेवन गरी आत्महत्या गरेको महानगरीय प्रहरी परिसर भक्तपुरका डीएसपी कृष्ण प्रसाईँले बताए ।

घरायसी विवादका कारण झैझगडा भएको हुन सक्ने र घटनाको अनुसन्धान भइरहेको डीएसपी प्रसाईँले जानकारी दिए ।

मृतकको घाँटी र शरीरको संवेदनशील अङ्गहरूमा खुकुरी प्रहार गरिएको प्रहरीले जनाएको छ । उनको मृत्यु घटना स्थलमै भएको थियो ।

मृतक दुवै जनाको शवलाई पोष्टमार्टमको लागि काठमाडौँको महराजगञ्जस्थित त्रिविवि शिक्षण अस्पताल लगिएको प्रहरीले जनाएको छ ।

सविना केसी