समाचारहरू

हंसपुर-९ की ३३ वर्षीया पत्नीको हत्या गरेको आरोपमा प्रहरीले ३८ वर्षीय पति निमबहादुर रेश्मीमगरलाई माघ ५ गते गिरफ्तार गरेको छ ।

पीडित महिलालाई आरोपितले माघ २ गते साँझ कुटपिट गरेको कारण माघ ४ गते मृत्यु भएको आरोपमा अनुसन्धानका लागि आरोपितलाई गिरफ्तार गरिएको जिल्ला प्रहरी कार्यालयका डिएसपी रञ्जितसिंह राठौरले बताए ।

स्थानीयबासीले घटनाका बारेमा प्रहरीलाई खबर गरेपछि प्रहरीले घटनास्थलबाट आरोपितलाई गिरफ्तार गरेको डिएसपी राठौरले बताए ।

मृतक महिलाको शवको पोष्टमार्टम माघ ५ गते जिल्ला अस्पताल बिजुवारमा गरिएको प्रहरीले जनाएको छ । मृतकको दाहिने आँखा, अनुहार र शरीरको पछाडिको भागमा गहिरो चोट लागेको प्रहरीको भनाइ छ ।

रविन्द्र पाण्डे