समाचारहरू

कार्मारोङ्ग गाँउपालिका-८ माँग्रीकी २६ वर्षीया कार्मा छुईकित तामाङसहति दुई छोराछोरीलाई आफूले रोजेको पार्टीलाई सहयोग नगरेको आरोपमा ३१ वर्षीय पति निमाछिरिङ तामाङले कात्तिक १२ गते घर निकाला गरेकोपीडित पक्षको आरोप छ ।

घटनास्थल सदरमुकामदेखि पैदल दुई दिन लाग्ने भएकोले यस घटना ढिलोगरी सार्वजनिक भएको जनाइएको छ ।

थानीय तहको निर्वाचनमा पनि आफूले रोजेको पार्टी नेपाली काङ्ग्रेसलाई सहयोग नगरी एमालेलाई मतदान गरेको र यसपटक पनि एमालेलाई सहयोग गरेको भन्दै पतिले छोराछोरीसहित घर निकाला गरेको स्थानीयबासी सोनाम तामाङले जानकारी दिइन् ।

स्थानीय तहको निर्वाचनमा कार्माकी आमा एमालेबाट वडा सदस्यमा विजयी भएकी थिइन् । आमा विजय भएको पार्टीका सबै उम्मेदवारलाई मतदान गरेको भन्दै पतिले उनलाई पहिलो पटक ०७४ जेठ ५ गते कुटपिट गरी घर निकाला गरेका थिए । स्थानीबासीले जेठ १० गते दुवै जनालाई मिलापत्र गराई निमालाई घरमा बस्ने वातावरण बनाएका थिए ।

पत्नीले यसपटक पनि एमालेलाई मतदान गर्ने भएको भन्दै पतिले पुनः कात्तिक १२ गते घर निकाला गरेको सोही वडाका सोनाम तामाङले बताए ।

पतिले घर निकाला गरेपछि पीडित दुई छोराछोरीसहित छिमेकीको घरमा बस्दै आएकी छन् । पीडितले न्यायका लागि कुनै निकायमा उजुरी दिएकी छैनन् । इन्सेकले यस घटना सम्बन्धमा जिल्ला प्रहरी कार्यालय र महिला तथा बालबालिका कार्यालयलाई जानकारी गराउँदै आवश्यक पहल गरिदिन अनुरोध गरेको छ ।

जीवन सेजुवाल