समाचारहरू

गाउँपालका–५ स्थित याङ्चुमा रहेको अमरसिंह प्राविमा विद्यार्थीको पठनपाठनमा लापरबाही भएको भन्दै चैत ८ गते अभिभावक संघ र विद्यार्थीले विद्यालय व्यवस्थापन समितिको ध्यानाकर्षण गराएको छ ।

कक्षा एकदेखि पाँचसम्म रहेको उक्त अमरसिंह प्राविमा नयाँ शैक्षिक सत्र सुरु भएको एक महिना एक हप्ता बितिसक्दा समेत नियमित पठनपाठन नहुँदा समस्या भएको अभिभावक संघका अध्यक्ष बालकृष्ण शाहीले जानकारी दिए ।

विद्यालयमा हुने पठनपाठन, खाजाको सुविधा, पाठ्यपुस्तक, खेलकुद जस्ता कुराहरु समयमा उपलव्ध नगराएको र शिक्षक समयमा उपस्थित नहुने जस्ता विषयलाई लिएर विद्यालय व्यवस्थापन समितिको ध्यानाकर्षण गराएको अध्यक्ष शाहीले बताए ।

विद्यालयले नयाँ शैक्षिक सत्र सुरु भएसँगै नयाँ भर्ना गरेता पनि पठनपाठनदेखि अन्य कुरामा व्यवस्थापन समितिले हेतु नगरेको सो विद्यालयका पाँच कक्षामा अध्यानरत विकास शाहीले गुनासो गरे ।

उनले अभिभावक संघ र विद्यार्थीले उठाएका माग विद्यालय व्यवस्थापन समितीले पुरा नगरेमा सदरमुकाम सिमकोटमा रहेको शिक्षा विकास तथा समन्वय एकाइ कार्यालयमा गएर आन्दोलन गर्नुका साथै जिल्ला प्रशासन कार्यायमा डेलिकेशन दिने समेत बताए ।

उक्त विद्यालयप्रति, विद्यालय व्यवस्थापन समिति र खार्पुनाथ गाउँपालिकाले कुनै पहल नगरेको अभिभावक संघका अध्यक्ष शाहीले बताए ।

पाँच जना शिक्षकको दरवन्दी रहेको विद्यालयमा १ सय ५३ विद्यार्थी रहेको अध्यक्ष शाहीको भनाई रहेको छ ।

नन्द सिंह