न्याय सम्पादनमा ढिलाईका कारण २९ वर्ष सम्मका आरोपित बालसुधार गृहमा बस्न बाध्य

बाँके जिल्ला जिल्लाको जयन्दु बाल सुधार गृहमा रहेका बालबालिकाहरूको अदालतबाट न्याय सम्पादनमा ढिलाई भएका कारण  २९ वर्ष सम्मका आरोपितहरू बाल सुधार गृहमा बस्न बाध्य  छन् ।

जसका कारण बाल सुधार गृहमा झडप हुने देखि लिएर आरोपितहरू भाग्ने गरेको बाल सुधार गृहकी  प्रमुख बिमला काउचा मगरले बताउनु भयो ।

दुई अलग्गै भवनमा बसेका आरोपितहरुबिच माघ २३ गते झडप भयो । झडपमा दुई जना घाइते भए । घाइतेहरूको सुधार गृहमै सामान्य उपचार भयो ।

पुरानो भवन र नयाँ भवनका आरोपितबिच सुर्ती राखेको विषयमा विवाद हुँदा आक्रोसित भीडले टेबुल ,खाना बनाउने भाँडा, च्यानल गेटको ताल्चा र ढोका तोडफोड गरेका थिए । सुरक्षाकर्मीहरूका अनुसार  झडपमा इँटा प्रयोग गरि दोहोरो झडप भएको बाल सुधार गृह स्रोतले जनाएको छ ।

नयाँ भवनमा १८वर्ष मुनिका बालक रहेका छन भने पुरानो भवनमा १८ भन्दा माथि उमेर समूहका रहेका छन ।

बाल सुधार गृहमा २ सय २३ जना रहेकोमा १८ वर्ष भन्दा माथिका ९५ जना रहेका छन् । सुधार गृहमा प्रयाप्त सीसी क्यामेरा, प्रहरी र स्वास्थ्यकर्मीको दरबन्दी नभएका कारण समस्या रहेको प्रमुख काउचा मगरले बताउनु भयो ।

उक्त घटनाको इन्सेकका अधिकृत विनोद पाण्डे, इन्सेक जिल्ला प्रतिनिधि लक्ष्मी चौधरीले अनुगम गरेका थिए ।


लक्ष्मी थारू