समाचारहरू

४१ वर्षीया महिलाले यौन दुर्व्यवहार घटनामा प्रहरीले आरोपितविरूद्ध उजुरी दर्ता नगरेको भन्दै न्यायका लागि पहल गरीदिन इन्सेकलाई आग्रह गर्नु भएको छ ।

भोक्राहा नरसिंह गाउँपालिका-७ का ४७ वर्षीय महमद मियाँले ०८१ साउन २७ गते यौन दुर्व्यवहार गरेको आरोपमा मियाविरूद्ध उजुरी दिँदा जिल्ला प्रहरी कार्यालयले दर्ता नगरेको पीडितको आरोप छ ।

प्रहरीले उजुरी दर्ता गर्न नमानेपछि पीडितले न्यायका लागि पहल गरीदिन आग्रह गर्दै ०८१ भदौ १६ गते इन्सेक, सुनसरीमा निवेदन दिनु भएको हो ।

बाख्रा व्यापारको काम गर्दै आएका आरोपितले पटकपटक यौन दुर्व्यवहार र बलात्कार प्रयास गरेको पीडितको आरोप छ ।

पीडितले इन्सेकलाई न्यायका लागि पहल गरीदिन निवेदन दिएपछि इन्सेकले उजुरी दर्ता किन नगरिएको भन्ने विषयमा जिल्ला प्रहरी कार्यालयका एसपी विपिन रेग्मीसँग जानकारी लिएको छ ।

इन्सेकले उजुरी दर्ता गरी घटनाको अनुसन्धान प्रक्रिया अघि बढाउन गरेको आग्रहमा प्रहरीले सोही अनुसार पीडित पक्षसँग सोधपुछ गरी अनुसन्धान प्रक्रिया अघि बढाउने एसपी रेग्मीले बताउनु भएको छ ।

जयकृष्ण यादव