समाचारहरू

नेपाली कांग्रेस निकट नेविसंघका कायकर्ताले मिनभवनस्थित नेपाल कमर्स क्याम्पसमा ०७९ पुस २४ गते बेलुकी तोडफोड गरेका छन् ।

आफूहरूले भनेका विद्यार्थीहरू बीबीएको कोटामा भर्ना हुनुपर्ने भन्दै नेविसंघका नेता विश्वहरि खड्का र रणेन्द्र बोहोराले क्याम्पसमा तोडफोड गरेका हुन् ।

नेपाल कमर्स क्याम्पसका क्याम्पस प्रमुख ध्रुव सिलवालले आफूले भर्नाका लागि कोटा नभएको बताएपछि उनीहरूले क्याम्पस प्रशासनको कोठामा छिरेर तोडफोड गरेको इन्सेक प्रतिनिधिलाई जानकारी दिनुभयो । तोडफोडबाट क्याम्पसका २ ओटा प्रिन्टर, २ ओटा कम्प्युटर र एउटा कुर्सीमा क्षति पुगेको र आफूहरूले घटनाका बारेमा प्रहरी वृत्त तीनकुनेमा मौखिक उजुरी दिएको उहाँले बताउनुभयो।

घटनाका बारेमा जानकारी आएलगत्तै प्रहरी वृत तिनकुनेबाट खटिएको टोलीले स्थलगत निरीक्षण गरी घटनाको अनुसन्धान गरेको र घटनापछि फरार आरोपितहरूको खोजीकार्य जारी राखेको जिल्ला प्रहरी परिसर काठमाडौँका एसपी दिनेशराज मैनालीले जानकारी दिनुभयो ।

विमल पौडेल