समाचारहरू

नेत्रविक्रम चन्द नेतृत्वको नेपाल कम्युनिष्ट पार्टीका १२ जना नेता तथा कार्याकतालाई प्रहरीले जेठ २४ गते गिरफ्तार गरेको छ ।

माण्डवी गाउँपालिका-१ तिराममा पार्टी कमिटीको बैठक बसिरहेको बेला प्रहरीले गिरफ्तार गरेको नेपाल कम्युनिष्ट पार्टीले जनाएको छ ।

गिरफ्तारमा पर्नेहरूमा पार्टी केन्द्रिय सदस्य तथा राप्ती व्युरो इञ्चार्ज सुवास बाठामगर, केन्द्रिय सदस्य बन्धु चन्द र असल खड्कालगायत नेता तथा कार्यकताहरू गिरफ्तार परेको पार्टीले जनाएको छ ।

गिरफ्तार पर्नेहरूको नाम पहिचान नभए पनि चुनाव विरोधी गतिविधि भइरहेको सूचनाका आधारमा १२ जनालाई गिरफ्तार गरेको जिल्ला प्रहरी कार्यालयका डिएसपी रञ्जितसिंह राठौरले बताए ।

गिरफ्तार परेकाहरूलाई सदरमुकाम खलङ्गा ल्याउने तयारी भइरहेकोले सो पछि मात्र नाम, ठेगाना र पद पहिचान हुने डिएसपी राठौरले बताए ।

रविन्द्र पाण्डे