समाचारहरू

नेकपा एमालेका कार्यकर्ता श्रीनगर गाविस-१ का ३० वर्षीय धने सुनार र सोही गाविस-३ का ३५ वर्षीय प्रकाश बोगटीलाई फागुन १९ गते नेपाली काङ्ग्रेसका कार्यकर्ताले आक्रमण गरी घाइते बनाएको पीडित पक्षको आरोप छ ।

श्रीनगर गाविसमा नेकपा एमालेको वृहद आमसभा लगत्तै नेपाली काङ्ग्रेसका कार्यकर्ताले बाहिरबाट ढुङ्गा प्रहार गर्दा उनीहरू घाइते भएको पीडित पक्षले आरोप लगाएका छन् ।

नेपाली काङ्ग्रेसका कार्यकर्ता नेकपा एमाले पार्टी प्रवेश गरेको विरोधमा काङ्ग्रेसका कार्यकर्ताले एमालेको कार्यक्रम सकिए लगतै ढुङ्गा प्रहार गरेको पत्रकार कालिबहादुर थापाले जानकारी दिए ।

घटना लगत्तै श्रीनगर चौकीका प्रहरीले सम्भावित झडप हुन नदिएको जिल्ला प्रहरी कार्यालय हुम्लाका इन्स्पेक्टर विष्णुबहादुर सिंहले बताए । घाइते दुवै जनाको स्थानीय स्वास्थ्य चौकीमा उपचार भइरहेको छ ।

नन्द सिंह