समाचारहरू

निर्वाचन विरोधी गतिविधिमा संलग्न रहेको आरोपमा नेत्र विक्रम चन्द (विप्लव) नेतृत्वको नेकपाका तीन जना कार्यकर्तालाई प्रहरीले कात्तिक २० गते गिरफ्तार गरेको छ ।

निर्वाचन विरोधी गतिविधिमा संलग्न रहेको आरोपमा दुर्गाथली गाउँपालिका–२ निवासी नेत्र विक्रम चन्द (विप्लव) नेतृत्व नेकपा निकट अखिल कान्त्रीकारीका केन्द्रीय सदस्य तथा बाजुरा बझाङ जिल्ला इन्चार्ज २५ वर्षीया कमला थापा, छविसपाथीभेरा गाउँपालिका–५ निवासी नेत्रविक्रम चन्द(विप्लव) नेतृत्वको नेकपाका कार्यकर्ता २३ वर्षीय बिकास जप्रेल र जयपृथ्वी नगरपालिका–११ निवासी सोही पार्टीका कार्यकर्ता २४ वर्षीय जनक सिंहलाई प्रहरीले जिल्ला सदरमुकाम चैनपुरस्थित अदालत नजिकैबाट गिरफ्तार गरेको हो ।

मङ्सिर ४ गते हुन गइरहेको प्रतिनिधिसभा र प्रदेशसभा निर्वाचनलाई बहिस्कार गर्रौ, एमसीसीका मतियारहरुलाई मतदान नगरौँ भनेर लेखिएका पोष्टर बजारमा टाँसीरहेको अवस्थामा नेत्रविक्रम चन्द विप्लव) नेतृत्वका तीन जना कार्याकर्ताहरुलाई गिरफ्तार गरिएको जिल्ला प्रहरी कार्यालयका डिएसपी जागेश्वर भण्डारीले बताउनु भयो ।

गिरफ्तार गरिएका तीनै जनालाई जिल्लास्थित वडा प्रहरी कार्यालयमा राखेर अनुसन्धान भइरहेको र गृह मन्त्रालयको आदेश अनुसार कानुनी प्रक्रिया अगाडी बढाइने डिएसपी भण्डारीले बताउनु भयो ।

निर्वाचन विरोधी गतिविधिहरु जिल्ला सदरमुकाम चैनपुर बढ्दै गएपछि सुरक्षा व्यवस्था समेत कडा पारिएको जिल्ला प्रहरी कार्यालयका डिएसपी भण्डारीले बताउनु भयो ।

सत्यराज सिंह