समाचारहरू

राजविराज नपा-४ का नेकपा (एमाले) का केन्द्रीय सदस्य सुमनराज प्याकुरेलको परिवारमाथि उनको घरमा चैत १५ गते संयुक्त लोकतान्त्रिक मधेसी मोर्चा सप्तरीका कार्यकर्ताले दुर्व्यवहार गरेका छन् ।

घरबाट बाहिर निस्किरहेका बेला प्याकुरेल पत्नी ५४ वर्षीया ज्योति प्याकुरेल र बुहारी ३० वर्षीया रक्तिम प्याकुरेलको बा.१० ज ५४३७ नम्बरको गाडीलाई घेराउ गरी उनीहरुले नाराबाजी गर्दै अपशब्द गालीगलौज गरेको पीडित ज्योति प्याकुरेलले बताइन् ।

प्याकुरेल परिवारलाई घरबाट उद्धार गरी सकुशल विराटनगरतर्फपठाएको प्रमुख जिल्ला अधिकारी कृष्णबहादुर कटवालले जानकारी दिए ।

मोर्चाका कार्यकर्ताहरूले फागुन २५ गते प्याकुरेलको घरमा ढुङ्गामुढा गरेर झ्यालको सिसा फुटाउनुका साथै उनको घरमा भाडामा रहेको क्रेस नेपाल नामक गैरसरकारी संस्थाको सूचना पाटी र बोर्ड आगजनी गरेका थिए ।

मनोहरकुमार पोखरेल