समाचारहरू

मलङ्गवा नपा–३ विश्वकर्मा चोक निवासी नेकपा (केपी ओली पक्ष)का कार्यकर्ता ४२ वर्षीय रामबचन साहको घरमा नेकपा (प्रचण्ड र माधव पक्ष)का कार्यकर्ता मलङ्गवा नपा–१० का ३४ वर्षीय रामेश्वर राय यादव लगायतले आगजनी गरेको आरोपमा पुस १९ गते जिल्ला प्रहरी कार्यालय मलङ्गवामा पीडितले उजुरी दिएको प्रहरीले जनाएको छ ।

पुस १५ गते मध्यराति बाँसको टाटी भएको घरमा नेकपा (प्रचण्ड र माधव पक्ष)का कार्यकर्ताद्वारा डिजेल र पेट्रोल छर्केर लगाएको आगोका कारण दुई ओटा भैँसी, एउटा पाडो, चार ओटा बाख्रालगायत घर समेत गरी १० लाख रुपियाँ बराबरको क्षति भएको पीडित साहले बताउनु भयो ।

पुस १४ गते नेकपा पार्टी कार्यालय दुवै समूहले दावी गरेको विषयमा विवाद भएको र सोही कारण घरमा आगजनी गरिएको पीडित पक्षको आरोप छ ।

घटनाको अनुसन्धान जारी रहेको र घटनामा संलग्न दोषीलाई कारवाही गरिने जिल्ला प्रहरी कार्यालयका डिएसपी मदन कुँवरले जानकारी दिनु भयो ।

बुधन साह