निषेधित क्षेत्र तोडेकाे आरोपमा ४९ जना मिटरब्याज पीडित गिरफ्तार

  ०८० फागुन १४ गते

निषेधित क्षेत्र तोडेर सङ्घीय संसद भवन, बानेश्वरमा प्रवेश गरेकाे आरोपमा ४९ जना मिटरब्याज पीडितलाई प्रहरीले ०८० फागुन १४ गते गिरफ्तार गरेको छ ।

जिल्ला प्रहरी परिसर काठमाडौँका एसपी एवम् प्रवक्ता नवराज अधिकारीका अनुसार संसद भवनमा प्रवेश गरेकाे आरोपमा ४८ जना महिला र एक जना पुरुषलाई आफूहरूले नियन्त्रणमा लिइएको बताउनु भयो ।

गत वर्ष सरकारसँग पाँच बुँदे सम्झौता गरेको एक वर्ष पुग्नै लाग्दा आफूहरूका मागहरूको सम्बोधन नभएको र उल्टै विभिन्न सरकारी निकाय, अदालतले समेत मिटरब्याज कै पक्षमा लागेर फर्जी लिखतलाई वैधता दिन थालेको भन्दै मिटरब्याज पीडितहरू न्याय माग्दै राजमार्ग यात्रा गरेर काठमाडौँ केन्द्रित आन्दोलमा सहभागि भएका थिए ।

गिरफ्तारीमा परेकाहरूलाई प्रहरी वृत्त, नयाँ बानेश्वरमा राखिएको जिल्ला प्रहरी परिसर, काठमाडौँका प्रवक्ता एसपी नवराज अधिकारीले इन्सेकलाई जानकारी दिनुभयो ।


इन्सेक बागमती प्रदेश कार्यालय, हेटौँडा