निषेधित क्षेत्रमा प्रदर्शन गरेको आरोपमा सात जना गिरफ्तार

  ०८१ असोज ४ गते

बानेश्वरस्थित निषेधित क्षेत्र तोकिएको संसद भवन अगाडि प्रदर्शन गरेको आरोपमा प्रहरीले असोज ३ गते सात जनालाई गिरफ्तार गरेको छ ।

प्रहरी वृत्त गौशालाका इन्स्पेक्टर लोकेन्द्र सिंह गुरुका अनुसार गिरफ्तार पर्नेमा ओखलढुङ्गा जिल्लाको चम्पादेवी गाउँपालिका-५ का विष्णु कार्की, सोही ठाउँका मोहन राउत, सोही ठाउँका युवराज थापा रहेका छन् ।

त्यसैगरी कालिकोट जिल्लाको नरहरीनाथ गाउँपालिका- ९ का बिन्दमान सार्की, सुर्खेत जिल्लाको वीरेन्द्रनगर नपा वडा नं. ४ का भोगराज देवकोटा, मोरङ जिल्लाको पथरी शनिश्चरे नपा-७ घर भई हाल काठमाडौँ जिल्ला गैरीगाउँ बस्ने कुमार घतानी, सिन्धुली जिल्लाको भिमान नपा-९ सिन्धुली घर भई हाल काठमाडौँ चाबहिल बस्ने सुमिता बुढाथोकी  रहेका छन् । उनीहरूलाई केही सयमपछि रिहा गरिएको इन्स्पेक्टर गुरुले जानकारी दिनु भयो ।

संविधान दिवसका दिन असोज ३ गते संसद भवनको ३ नम्बर गेटअगाडि प्रदर्शन गर्ने क्रममा उनीहरूलाई गिरफ्तार गरिएको जिल्ला प्रहरी परिसर काठमाडौँका एसपी नवराज अधिकारीले जानकारी दिनु भयो ।


पार्वती साउद