निवर्तमान सभामुख घर्तीसहित माओवादी नेताहरूलाई लक्षित गरी बम विष्फोट

निवर्तमान सभामुख ओनसरी घर्ती, माओवादी केन्द्रका नेताहरू कृष्णबहादुर महरा र वर्षमान पुन चढेको गाडीलाई लक्षित मङ्सिर १ गते रोल्पा नपा-१ लिबाङ नजिकै भदौरे जङ्गलमा दुई ओटा बम प्रहार भएको प्रहरीले जनाएको छ ।

भदौरे जङ्गलको भीरबाट नेताहरूको गाडी भन्दा १० मिटर अगाडी बम प्रहार भएको जिल्ला प्रहरी कार्यालय रोल्पाका इन्स्पेक्टर सुदर्शन पन्थीले जानकारी दिए । घटनामा कुनै क्षति नभएको बताइएको छ । बम प्रहार भएलगत्तै प्रहरीले भदौरे भीरमा घेरा हालेर बम प्रहार गर्ने अज्ञात समूहको खोजी गरिरहेको छ ।

महरा कार्यक्रममा सहभागी हुन दाङबाट रोल्पा आएका हुन् भने रोल्पाबाट प्रतिनिधिसभा सदस्यका उम्मेदवार समेत रहेका वर्षमानपुन र ओनसरी घर्ती रोल्पामै रहेका थिए ।


माधवकुमार ओली