निर्वाचन विरोधी गतिविधि गरेको आरोपमा दुई विद्यार्थी नेता गिरफ्तार

 

निर्वाचन विरोधी गतिविधि गरेको आरोपमा नेपाल कम्युनिष्ट पार्टी निकट अनेरास्ववियु (क्रा.) का केन्द्रीय सदस्य २८ वर्षीय हेमन्त जिसी र जिल्ला सचिव २० वर्षीय अमर खडकालाई प्रहरीले मङ्सिर १८ गते राति गिरफ्तार गरेको छ ।

तुल्सीपुर उमनपास्थित घोराहीमा डेरा गरी बसेका दुवै जनालाई प्रहरीले गिरफ्तार गरेको अनेरास्ववियु (क्रा.) दाङले जनाएको छ ।

अनेरास्ववियु (क्रान्तिकारी) दाङकी अध्यक्ष प्रीतिमा चौधरीले मङ्सिर १९ गते विज्ञप्ति जारी गरी अपहरण शैलीमा घर घेरा हालेर गिरफ्तार गरिएको भन्दै तत्काल रिहाइको माग गरेकी छन् ।

जिसी र खड्कासहित दाङमा नेपाल कम्युनिष्ट पार्टीले उक्त पार्टी निकट विद्यार्थी सङ्गठन तथा शुभेच्छुक गरी ३० जनालाई प्रहरीले गिरफ्तार गरी हिरासतमा राखेको जिल्ला प्रहरी कार्यालय दाङकी एसपी दुर्गा सिंहले जानकारी दिइन् ।


जे.एन.सागर