समाचारहरू

निर्वाचन विरोधी गतिविधिमा लागेको आरोपमा प्रहरीले विभिन्न जिल्लाबाट नेत्रविक्रम चन्द नेतृत्वको नेपाल कम्युनिष्ट पार्टीका कार्यकर्तालाई विभिन्न जिल्लाबाट गिरफ्तार गरेको छ ।

इन्सेक पर्वत जिल्ला प्रतिनिधि किशोर सापकोटाका अनुसार निर्वाचन बिथोल्न सक्ने आरोपमा नेपाल कम्युनिष्ट पार्टीका जिल्ला सहइञ्चार्ज ढकबहादुर क्षेत्रीलाई प्रहरीले मङ्सिर ५ गते फलेवास नपा-१ कार्कीनेटाबाट गिरफ्तार गरेको छ ।

जिल्ला प्रहरी कार्यलय पर्वतका इन्स्पेक्टर लिलाराज लामिछानेका अनुसार निर्वाचन विरोधी गतिविधिमा लागेको आरोपमा क्षेत्रीलाई गरफ्तार गरिएको हो ।

इन्सेक स्याङ्जा जिल्ला प्रतिनिधि हिमलाल पराजुलीका अनुसार निर्वाचन विरोधी गतिविधिमा संलग्न रहेको आरोपमा प्रहरीले नेत्रविक्रम चन्द नेतृत्वको नेपाल कम्युनिष्ट पार्टिका जिल्लास्तरीय नेताहरूलाई प्रहरीले विभिन्न स्थानबाट गिरफ्तार गरेको छ ।

गिरफ्तारीमा पर्नेहरूमा वालिङ नगरपालिका-६ किा ४१ वर्षीय राजु पौडेललाई वालिङ बजारबाट, भिरकोट नगरपालिका-१ का ६० वर्षीय डाक्टर शेरबहादुर थापा क्षेत्रीलाई भिरकोटबाट, वालिङ नगरपालिका-१२ का ३४ वर्षीया दुर्गा थापालाई वालिङ-१३ बायेटारी बजारबाट मङ्सिर १ गते गिरफ्तार गरेको हो ।

पुतलीबजार नगरपालिका-१३ का ७४ वर्षीय थानेश्वर केसीलाई मङ्सिर ३ गते र वालिङ नगरपालिका-१३ का २६ वर्षीय ध्रुव गौडेललाई मङ्सिर ४ गते बायेटारी बजारबाट गिरफ्तार गरिएको जिल्ला प्रहरी कार्यालय स्याङ्जाका डिएसपी प्रकाश विष्टले बताए ।

अनलाइन डेस्क