निर्वाचन प्रचारप्रसारमा बालबालिका र विद्यालयको प्रयोग नगर्न नागरिक समाजको आग्रह
आगामी वैशाख ३१ गतेका लागि तोकिएको स्थानीय तहको निर्वाचनको प्रचार प्रसारमा बालबालिका तथा विद्यालयको प्रयोग नगर्न अनौपचारिक क्षेत्र सेवा केन्द्र (इन्सेक) लगायतका पर्वतमा क्रियाशील नागरिक सङ्घ, सङ्गठनहरूले निमित्त प्रमुख जिल्ला अधिकारी प्रविण ढकालको ध्यानाकर्षण गराएका छन् ।
निर्वाचनका क्रममा विभिन्न पार्टीले आयोजना गर्ने सभा, जुलुस तथा चुनाव प्रचार प्रसारका लागि गरिने पोष्टर, पम्प्लेट टाँस्ने जस्ता कार्यका लागि विभिन्न ठाउँमा बालकालिकाहरूको प्रयोग भएको भन्ने समाचार बाहिर आएपछि जिल्लामा क्रियाशील नागरिक सङ्गठनहरूले जिल्ला प्रशासन कार्यालय, पर्वतको ध्यानाकर्षण गराएको नागरिक समाज सञ्जाल पर्वतका अध्यक्ष राजेन्द्र पहाडीले बताएका छन् ।
ध्यानाकर्षण पत्रमा निर्वाचन प्रचारप्रसारका लागि राजनीतिक दलले आयोजना गर्ने कुनै पनि सभा, सम्मेलन विद्यालय परिसरमा नगर्न तथा विद्यालयको पर्खालमा प्रचार सामग्री नटाँस्न आग्रह गरिएको छ । त्यसैगरी सोही ध्यनाकर्षण पत्रमा मतदान केन्द्रलाई अशक्त तथा अपाङ्गतामैत्री बनाउनसमेत आग्रह गरिएको छ ।
ध्यानाकर्षण पत्र बुझ्दै निमिक्त प्रमुख जिल्ला अधिकारी प्रविण ढकालले ध्यानाकर्षण पत्रमा उल्लेखित व्यवस्था मिलाउनका लागि आफू पूर्ण रूपमा लागि पर्ने प्रतिबद्धता व्यक्त गरेका छन् ।
ध्यानाकर्षण पत्रमा नागरिक समाज सञ्जाल पर्वतका संयोजक राजेन्द्र पहाडी, जिल्ला बार इकाई, पर्वतका अध्यक्ष विश्वराज पाण्डेय, इन्सेक जिल्ला प्रतिनिधि किशोर सापकोटा, गैरसरकारी संस्था महासङ्घ पर्वतका अध्यक्ष राजेन्द्र पौडेल, नेपाल पत्रकार महासङ्घ पर्वतका अध्यक्ष छविलाल तिवारी, नेपाल अपाङ्ग उत्थान समाज पर्वतका प्रतिनिधि जगन्नाथ शर्मा, शिक्षाका लागि राष्ट्रिय अभियानका सदस्य सचिव यज्ञप्रसाद शर्मा, राष्ट्रिय मतदाता अधिकार मञ्च पर्वतका संयोजक मानकुमारी गिरी र सामुदायिक वन उपभोक्ता महासङ्घ पर्वतका कोषाध्यक्ष शेषराज रेग्मीले हस्ताक्षर गरेका छन् ।
किशोर सापकोटा
सम्बन्धित समाचारहरू
बलात्कार घटनाका आरोपित गिरफ्तार
१६ वर्षीया बालिकालाई बलात्कार गरेको आरोपमा बारबर्दिया नगरपालिका-६ का २० वर्षीय सन्तराम थारुलाई प्रहरीले ०८१ असोज २७ गते गिरफ्तार गरेको छ । पीडित बालिकालाई आरोपितले असोज २६ गते बलात्कार गरेको…
रिम्नागाउँमा खानेपानीको समस्या
भेरी नगरपालिका–१, रिम्नामा खानेपानीको समस्या भएको छ । जिल्लामा ०८० कात्तिक १७ गते मध्यरातमा गएको भूकम्पले खानेपानीको मुहान भासिएपछि रिम्नागाउँमा खानेपानीको समस्या भएको हो । रिम्नाका करिव ३ सय ५०…
हत्या घटनाका आरोपित नन्देभाइ गिरफ्तार
माडी नपा-७ देवेन्द्रपुरकी ७१ वर्षीया विष्णुमाया रानाभाटलाई खुर्पा प्रहार गरी हत्या गरेको आरोपमा प्रहरीले माडी नपा-७ का ६२ वर्षीय नन्देभाइ (नन्दका पति) टीकाराम रानाभाटलाई असोज २६ गते गिरफ्तार गरेको छ…
बलात्कार घटनाका आरोपित गिरफ्तार
अपाङ्गता हुनुभएकी १९ वर्षीया युवतीलाई बलात्कार गरेको आरोपमा चामुण्डाबिन्द्रासैनी नगरपालिका–५, जम्बुकाँधका २१ वर्षीय रमेश सावदलाई प्रहरीले ०८१ असोज २७ गते गिरफ्तार गरेको छ । पीडित युवतीलाई आरोपितले असोज २३ गते…
कोशी प्रदेशमा रहेका अधिकांश बर्थिङ्ग सेण्टर प्रभावकारी छैनन्
बर्थिङ्ग सेण्टर सञ्चालनका लागि प्रसूति गर्ने तालिम प्राप्त कर्मचारीलाई आवासीय व्यवस्थादेखि उपकरणहरु सबै उपलब्ध हुनु पर्छ । तर, कोशी प्रदेशका विभिन्न जिल्लामा रहेका बर्थिङ्ग सेण्टर सुविधा सम्पन्न र प्रभावकारी नभएको…
