समाचारहरू

निर्वाचन आयुक्त सुधीरकुमार शाहले स्थानीय तहको निर्वाचन एकै चरणमा सम्पन्न गर्ने बताएका छन् ।

वीरेन्द्रनगरमा चैत २९ गते सम्पन्न मध्यपश्चिमाञ्चलका स्तरीय निर्वाचन अधिकृतहरूका लागि निर्वाचन व्यवस्थापन र सञ्चालनसम्बन्धी प्रशिक्षण कार्याक्रमको समापनमा बोल्दै शाहले सो कुरा बताएका हुन ।

आयुक्त शाहले थप सुरक्षा परिचालन गरेर भएपनि तोकिएकै समयमा निर्वाचन गराउने तयारी भइरहेको जानकारी दिए । सुरक्षाको दृष्टिले सम्वेदनशील बनेको २ नम्बर प्रदेशको सुरक्षा स्थितिमा सुधार भएकोले एकै चरणमा निर्वाचन सम्पन्न गर्ने कुरामा शङ्का नगर्न शाहले अनुरोध गरे ।

आयोगको उच्चस्तरीय सुरक्षा समन्वय समितिका संयोजकसमेत रहेका शाहले मतदाता नामावली, मतपत्र छपाईको काम भइरहेको र एक/दुई दिन भित्र मतदाता शिक्षाका सामाग्रीहरू निर्वाचन क्षेत्रमा पुग्ने बताए ।

कार्यक्रममा मध्यपश्चिम क्षेत्रका सबै जिल्लाका मुख्य निर्वाचन अधिकृत तथा निर्वाचन अधिकृतहरूको सहभागिता रहेको थियो ।

दुर्गा थापा