समाचारहरू

संवैधानकि परिषद्को माघ १४ गते बसेको बैठकले निर्वाचन आयोगको रिक्त आयुक्त पदका लागि तीन जनाको नाम सिफारिस गरेको छ ।

सिफारिस हुनेहरूमा नरेन्द्र दाहाल, इश्वरीप्रसाद पौडेल र सुधीरकुमार शाह रहेका छन् । सिफारिस भएका दाहाल र पौडेल पूर्व सचिव हुन् भने शाह पूर्व सहसचिव हुन् ।

संसदीय सुनुवाइको प्रक्रिया पूरा भएपछि मात्रै सिफारिस भएकाहरू आयुक्त पदमा नियुक्त हुनेछन् । हाल निर्वाचन आयोगमा प्रमुख निर्वाचन आयुक्त अयोधीप्रसाद यादव र आयुक्त इला शर्मा मात्र रहेका छन् ।

संवैधानिक प्रावधानअनुसार आयोगमा प्रमुख आयुक्तसहित पाँच जना आयुक्त रहने छन् ।

विवेक ढुङ्गाना