निर्वाचन आचार संहिता उल्लङ्घन गरेको आरोपमा निवर्तमान प्रदेश सभा सदस्यको गाडी नियन्त्रणमा

 

जीतपुर सिमरा उपमहानगरपालिका–४ औराहा टोलका ४५ वर्षीय निवर्तमा प्रदेश सभा सदस्य शुन्दर विश्वकर्माले मधेस प्रदेश सरकारले उपलब्ध गराएको गाडी चुनावमा प्रयोग गरी निर्वाचन आचार संहिता उल्लङ्घन गरेको आरोपमा कात्तिक १८ गते इलाका प्रहरी कार्यालय सिमराका डिएसपी युवराज तिमिल्सिनाको कमाण्डमा रहेको प्रहरीले नियन्त्रणमा लिएको छ ।

बारा निर्वाचन क्षेत्र नं ४ (क) का नेकपा एमालेका निवर्तमान प्रदेश सभा सदस्यले प्रदेश सरकारले उपलब्ध गराएको सरकारी गाडीमा चुनाव प्रचार प्रसार गरेपछि उहाँले प्रयोग गरेको सरकारी स्कारपियो गाडी नं. २–०२ ००१ झ ००८८ नियन्त्रणमा लिन आदेश दिएको प्रमुख जिल्ला अधिकारी कृष्णबहादुर कटुवालले बताउनु भयो ।

प्रदेश सभामा गत वर्ष एकिकृत समाजवादी पार्टीको सचेतक पदका हैसियतले सरकारी गाडीको सुविधा पाएर समय सकिएपनि फिर्ता नगरी विश्वकर्माले उक्त गाडि प्रयोग गर्दै आएका थिए ।


भोलानाथ पौडेल