निर्वाचन आचार संहिता उलङ्घन गर्दै राजनीतिक दलहरू प्रचार प्रसारमा

  ०७९ कात्तिक २१ गते

क्रियाशिल राजनीतिक दलले निर्वाचन आयोगले जारी गरेको निर्वाचन आचार संहिता बिपरीत  चुनावी प्रचार अभियान सञ्चालन गरिरहेका छन् ।

निर्वाचन आयोगले जारी गरेको निर्वाचन आचारसंहिता २०७९ को परिच्छेद २ अन्तर्गत “ज” उल्लङ्घन गर्दै चुनावी प्रचार प्रसार भइरहेको नेपाल बार एसोसियसनका अध्यक्ष भूपेन्द्रबहादुर थिङले बताउनु भयो  ।

आचारसंहिताको परिच्छेद २ को “ज” मा भनिएको छ “कसैको निजी घरजग्गामा वा सार्वजनिक भवन, सार्वजनिक उधान, सार्वजनिक सडकमा पोल वा कुनै पनि सार्वजनिक स्थानमा दलको भण्डा, दल वा उमेद्वारको निर्वाचन चिन्ह्र राख्न वा टास्न नहुने भनिएको छ” ।

20221105_170856

तर जिल्लामा क्रियाशिल गठबन्धनमा रहेका नेपाली कांगे्रस, नेकपा माओवादी केन्द्र, समाजवादी र नेकपा एमालेले प्रचार प्रसारको अभियानमा जिल्लाको बिभिन्न सार्वजनिक ठाउँहरू र चोकचोकमा तुल ब्यानर झण्डा राखेर आचार संहिता बिपरीत चुनावी प्रचार प्रसार गरिरहेका छन् ।

दलहरूद्वारा निर्वाचन आचार संहिता उलङ्घन गरेका घटनाहरूबारे कारबाहीे प्रक्रिया शुरु नहुनु आचार संहिता जिल्ला अनुगमन समितिको कमजोरी भएको जिल्ला निर्वाचन कार्यालय प्रमुख विकास रिजालले बताउनु भयो ।


नातिबावु धिताल