समाचारहरू

बागलुङका मुख्य निर्वाचन अधिकृत तथा जिल्ला न्यायाधीश डाक्टर दिवाकर भट्टले निर्वाचनलाई भयरहित निश्पक्ष, भयरहित र शान्तिपूर्ण सम्पन्न गर्नको लागि पर्यवेक्षकको भूमिका महत्वपूर्ण हुने बताउनु भएको छ ।

अनौपचारिक क्षेत्र सेवा केन्द्र (इन्सेक) को टोलिसँग कात्तिक २५ गते कुरा गर्दै उहाँले पर्यवेक्षक, पत्रकार र सरोकारवालाको सहयोग बिना शान्तिपूर्ण निर्वाचन गराउन सम्भव नहुने भएकोले सबैको सकारात्मक साथको आवश्यकता भएको बताउनु भएको हो ।

बागलुङ जिल्लामा रहेका २ निर्वाचन क्षेत्रका १ सय ६ मतदान स्थल र २ सय ३१ मतदान केन्द्रमा निर्वाचन शान्तिपूर्ण निर्वाचन सम्पन्न गर्नको लागि तयारी पुरा भएको भट्टले बताउनु भयो ।

कात्तिक २६ र २७ गते निर्वाचनमा खटिने मतदान अधिकृत र सहायक मतदान अधिकृतलाई तालिमको आयोजना गरिएको पनि उहाँले बताउनु भयो ।

बागलुङका सहायक प्रमुख जिल्ला अधिकारी गणेश पौडेलले मतदान स्थलको संवेदनशिलतालाई हेरेर सुरक्षा व्यवस्था कडा पारिएको बताउनु भयो ।

अनुगमन तथा भेटघाट कार्यक्रमा इन्सेक गण्डकी प्रदेशका संयोजक शिव खकुरेल, सवनम शर्मा, नियोग बागलुङका अध्यक्ष सावित्री खड्का सहित इन्सेक बागलुङका पर्यवेक्षकहरूको सहभागिता रहेको थियो ।

सिर्जना पन्त