समाचारहरू

पाल्पामा क्रियाशील राजनीतिक दलहरूले स्थानीय तहको निर्वाचनमा बालबालिकालाई प्रयोग नगर्ने प्रतिबद्धता जनाएका छन् । यहाँ क्रियाशील आठ ओटा राजनीतिक दलहरूले जेठ १९ गते सम्पन्न बैठकमार्फत ८ बुँदे प्रतिबद्धतापत्रमा हस्ताक्षर गरेका हुन् ।

नेपाली काङ्ग्रेस, नेकपा एमाले, नेकपा माओवादी केन्द्र, राप्रपासहितका दलका जिल्ला स्थित प्रमुखहरूले निर्वाचन प्रचारप्रसार कार्यक्रम, चुनावी सभा, गोष्ठी, जुलुस तथा सम्मेलनमा १६ वर्षमुनीका बालबालिका सहभागी नगराउने प्रतिबद्धता जनाएका हुन् ।

प्रमुख जिल्ला अधिकारी बाबुराम गौतमको अध्यक्षतामा बसेको वैठकमा आचारसंहिता अनुगमन समितिका संयोजक बुद्धिप्रसाद शर्मा र मुख्य निर्वाचन अधिकृत भरतमणी खनालको उपस्थितिमा दलहरूले निर्वाचनमा बालबालिकाको प्रयोग नगर्ने प्रतिबद्धता जनाएका हुन् ।

नेपालको संविधान, बाल अधिकार महासन्धी-१९८९, बालबालिकासम्बन्धी ऐन, नियमावली, बालश्रम निषेध र नियमित गर्ने ऐन, निर्वाचन आयोग, स्थानीय तह निर्वाचन आचर संहितालगायतका ऐनले निर्वाचनमा बालबालिकाहरूलाई कुनै पनि बहानामा प्रयोग गर्न निषेध गरेको छ ।

यज्ञमुर्ति तिमल्सिना