निर्वाचनमा बालबालिकाको प्रयोग नगर्ने राजनीतिक दल र सरोकारवालाहरूको प्रतिबद्धता
सङ्खुवासभामा स्थानीय तहको निर्वाचनमा बालबालिकाको प्रयोग नहुन् भन्ने उद्देश्यले वैशाख १९ गते आयोजित एक कार्यक्रममा उपस्थित राजनीतिक दलका प्रतिनिधि एवम् सहभागीहरूले निर्वाचनमा बालबालिकाको प्रयोग नगर्ने प्रतिबद्धता जनाएका छन् ।
जिल्ला बालकल्याण समितिद्वारा आयोजित स्थानीय तहको निर्वाचन र बालबालिकाका सवाल विषयक अन्तरक्रियात्मक कार्यक्रममा पाँचबुँदे प्रतिबद्धता पत्रमा हस्ताक्षर गर्दै राजनीतिक दलका प्रतिनिधि र सरोकारवालाहरूले स्थानीय तहको निर्वाचनलगायत कुनैपनि किसिमको राजनीतिक गतिविधिमा बालबालिकाको प्रयोग नगर्ने जनाएका हुन् ।
कार्यक्रममा जिल्ला बालकल्याण समितिका अध्यक्ष तथा प्रमुख जिल्ला अधिकारी शिवराज जोशीले निर्वाचन अघि, निर्वाचनका दिन र निर्वाचनपछि पनि कुनै हिसावले राजनीतिक स्वार्थका लागि बालबालिकालाई प्रयोग नहुने जनाउँदै त्यसका लागि सवैले प्रतिबद्धता जनाउन आग्रह गरेका थिए ।
सोही क्रममा नेपाली काङ्ग्रेसका शेरबहादुर वन, एमालेका नारायण कटुवाल, नेकपा माओवादी केन्द्रका भविन्द्र अधिकारी, राप्रपाका दिपेन्द्र कार्की, खम्बुवान राष्ट्रिय मुक्ति मोर्चाका कुलवहादुर राई, संयुक्त समाजवादी फोरमका कृष्ण तामाङ, नयाँ शक्ति पार्टी नेपालका टेकमान राई लगायतले उक्त प्रतिबद्धता पत्रमा हस्ताक्षर गरेका हुन् ।
साथै जिल्लाका राजनीतिक दलहरूले निर्वाचनको वहानामा बन्द हडताल समेत नगर्ने प्रतिबद्धता जनाएका थिए ।
बाबुराम बास्तोला
सम्बन्धित समाचारहरू
बलात्कार घटनाका आरोपित गिरफ्तार
१३ वर्षीया बालिकालाई बलात्कार गरेको आरोपमा प्रहरीले गोदावरी नगरपालिका–१३ झरुवाराशी का २६ वर्षीय आशिष पुर्कुटीलाई भदौ २७ गते गिरफ्तार गरेको छ । पीडित बालिकालाई आरोपितले भदौ २५ गते बलात्कार गरेको…
पहिरोले सडक बगाउँदा जनजीवन कष्टकर
भोजपुरको पाँचधारे-चखेवा सडक पहिरोले बगाएपछि सडक अवरूद्ध भएको छ । पाँचधारे-चखेवा सडक खण्डको रूमाथुम्की क्षेत्रको घुर्विसेमा पहिरो जाँदा आवतजावतमा समस्या भएको हो । टेम्केमैयुङ गाउँपालिका-९ रूमाथुम्की क्षेत्रको घुर्विसेमा क्षेत्रमा पहिरो…
झुटो सिफारिस दिएको आरोपमा जनप्रतिनिधि गिरफ्तार
मृतक व्यक्तिलाई जीवित र जीवित व्यक्तिलाई मृतक भनि सिफारिस दिएको आरोपमा प्रहरीले देवानगञ्ज गाउँपालिका-७ का वडाध्यक्ष सूर्यनारायण यादवलाई भदौ २६ गते गिरफ्तार गरेको छ । देवानगञ्ज गाउँपालिका-७ को वडा कार्यालयमा…
मौसम परिवर्तनका कारण अस्पतालमा बिरामीको चाप बढ्दै ! (फोटो फिचर)
मौसम परिवर्तनका कारण नेपालगञ्जस्थित भेरी अस्पतालमा बिरामीको चाप बढेको छ । मौसम परिवर्तनका कारण डेङ्गीका साथै भाइरल ज्वरो, टाइफाइड, झाडापखाला वान्ता, बेहोस हुने लगायतका बिरामी बढ्न थालेका हुन् । भेरी…
बलात्कार घटनाका आरोपितविरुद्ध उजुरी
१० वर्षीया बालिकालाई बलात्कार गरेको आरोपमा सुखिपुर नगरपालिका-४ का ३५ वर्षीय बब्लु यादवविरुद्ध पीडित पक्षले जिल्ला प्रहरी कार्यालय सिरहामा ०८१ भदौ २६ गते उजुरी दिनुभएकाे छ । आरोपितले बालिकालाई ०८१…
