समाचारहरू

स्थानीय तहको निर्वाचनमा कुनै पक्षबाट पनि बालबालिकाको प्रयोग हुन नदिन वैशाख १० गतेदेखि अनुगमन सुरू गरिएको छ । महिला तथा बालबालिका कार्यालयको संयोजकत्वमा समिति गठन गरी अनुगमन सुरू गरिएको हो ।

महिला तथा बालबालिका कार्यालय सल्यानको संयोजकत्वमा गठित समितिको सदस्यमा जिल्ला प्रशासन कार्यालय, जिल्ला प्रहरी कार्यालय, जिल्ला शिक्षा कार्यालय, दलित विकास समाज, नेपाल पत्रकार महासङ्घ र जिल्लामा रहेका चारवटा एफएम रेडियोहरू रहेका छन् ।

समितिले निर्वाचनको समयमा बालबालिकाको प्रयोग, चुनावी सभामा विद्यालयको प्रयोग भए नभएको अनुगमन गर्ने महिला तथा बालबालिका कार्यालय सल्यानकी प्रमुख राजकुमारी राईले बताइन् । उनले सदस्यहरूको सञ्जालमार्फत अनुगमन गरिने र बालबालिकाको प्रयोग भएको खण्डमा सम्बन्धित पक्षलाई बालबालिकाको प्रयोग नगर्न सचेत गराइने बताइन् ।

"जिल्लामा चुनावी कार्यक्रममा बालबालिका र विद्यालयको प्रयोग हुन नदिन समिति बनाएर काम थालेका हौँ ।'-उनले भनिन्-'केन्द्रीय बाल कल्याण समिति र जिल्लाका सरोकारवालाहरूको सुभावका आधारमा अघि बढ्छौँ ।"

मीना बुढाथोकी