समाचारहरू

निर्वाचन प्रचार प्रसारमा प्रयोग गरिएका दुई ओटा गाडीमा वैशाख २३ गते राति आगजनी भएको छ । वीरेन्द्रनगर ६ जुम्लारोडस्थित रोकी राखेको अवस्थामा अज्ञात पक्षले आगजनी गरेको हो ।

नेपाली कांग्रेसले प्रयोग गर्दै आएको बा १४ च ६८३१ नम्बरको स्कर्पियो र नेकपा एमालेले चुनावी अभियानमा प्रयोग गर्दै आएको कर्णाली प्रदेश ०२–००१ ख ००६१ नम्बरको मिनी बसमा आगजनी भएको जिल्ला प्रहरी कार्यालयका एसपी पदमबहादुर विष्टले जानकारी दिनुभयो ।

मध्यरातमा आगजनी भएको स्कर्पियोको टायर र बाहिरी भागमा क्षति भएको छ । मिनीबसमा भने सिसा र सिटहरूमा क्षति पुगेको छ ।

आगजनी गर्ने पक्षको खोजी भइरहेको र घटनास्थल वरपरका सीसीक्यामेराहरूको निगरानी भइरहेको प्रहरीको भनाइ छ ।

पूर्णबहादुर खड्का