समाचारहरू

निर्वाचन आयुक्त नरेन्द्र दाहालले हिमाल, पहाड, तराई मधेस सबैतिर एकै चरणमा निर्वाचन गर्ने गरी आयोगले काम अगाडि बढाएको बताएका छन ।

निर्वाचन आयोगले विराटनगरमा चैत ३० गते स्थानीय तहको निर्वाचनलाई लक्षित गर्दै निर्वाचन व्यवस्थापन तथा सञ्चालनसम्बन्धी क्षेत्रीय गोष्ठिमा उनले निर्वाचनका लागि सरकारले सबैतिर सुरक्षा व्यवस्था मिलाइएकाले निर्वाध रूपमा आ-आफ्नो मतदान स्थलमा सक्रिय भएर लाग्न मतदान अधिकृतहरूलाई आग्रह गरे ।

उनले तोकिएको समयमा निर्वाचन सम्पन्न गराउन सरकार तीव्र गतिमा अगाडि बढेको भन्दै २ नम्बर प्रदेशमा पनि एकै समयमा निर्वाचन हुने बताए ।

सो अवसरमा उनले स्थानीय तहको निर्वाचन सम्पन्न गर्न बाहिरबाट देखे जस्तो सुरक्षासम्बन्धी कुनै चुनौति नभएको बताए । गोष्ठिमा मोरङ, सुनसरी, धनकुटा, भोजपुर तथा सप्तरी जिल्लाका मुख्य निर्वाचन अधिकृत तथा निर्वाचन अधिकृतहरूको सहभागिता रहेको थियो ।

इन्दिरा भट्टराई