समाचारहरू

हत्या गरिएको अवस्थामा करिब २० वर्षीया महिलाको लाश बोरिया गाविस-१ स्थित कोशी दक्षिण नहर पश्चिम घोडदह खोलादेखि पूर्वको चौरमा असोज २२ गते फेला परेको छ ।

पीडित महिलाको अनुहारमा ठूलो ढुङ्गाले प्रहार गरी हत्या गरिएको अवस्थामा लाश फेला परेको जिल्ला प्रहरी कार्यालयका एसपी भिमप्रसाद ढकालले बताए । ढकालका अनुसार पीडित महिलाको शरीरभरी निलडाम र घटनास्थल रक्ताम्य थियो ।

घटनाबारे अनुसन्धान सुरु गरी आरोपितहरूको खोजतलास भइरहेको पनि एसपी ढकालले बताए । बलात्कारपछि हत्या गरेको हुन सक्ने सम्भावना व्यक्त गर्दै एसपी ढकालले नाम ठेगाना नखुलेकी पीडित महिलाको शवको पोष्टमार्टमका लागि धरानस्थित विपी कोइराला स्वास्थ्य विज्ञान प्रतिष्ठान पठाइएको जानकारी दिए ।

मनोहर कुमार पोखरेल