समाचारहरू

नवजात शिशुको हत्या गरेको आरोपमा प्रहरीले मैवाखोला गाउँपालिका–१ ढुङ्गेसाँघुकी २२ वर्षीया जुनु भन्ने एलिसा तेम्बे लिम्बूलाई असोज ३० गते गिरफ्तार गरेको छ ।

आरोपितले असोज २१ गते शिशुलाई जन्माएर हत्या गरी नजिकैको जङ्गलमा गाडेको सूचना स्थानीयले दिएपछि अनुसन्धानका लागि गिरफ्तार गरिएको जिल्ला प्रहरी कार्यालयका इन्स्पेक्टर सरोज खनालले बताए ।

शवको पोष्टमार्टम जिल्ला अस्पतालमा असोज ३० गते गरी शव परिवारलाई जिम्मा लगाएको प्रहरीले जनाएको छ ।

देवराज गुरुङ