समाचारहरू

नयाँ शाक्ति पार्टीका सन्धिखर्क नगरपालिका-७ का उम्मेदवार फर्सबहादुर नेपालीले आचारसंहिता उल्लङ्घन गरी चामल वितरण गरेको जिल्ला प्रशासन कार्यालयले जानकारी दिएको छ ।

 

उम्मेदवार नेपालीले असार १० गते दिउँसो मतदातालाई चामल, रसायनिक मल, र नुन वितरण गर्न लागेको भन्ने सूचनाको आधार जिल्ला आचारसंहिता अनुगमन समितिले उक्त ठाउँमा अनुगमन गरको थियो ।

 

अनुगमनका क्रममा उक्त चामल, नुन, र रसायनिक मल पहले नै खरिद गरेको बिल भरपाई नभेटिएको, सबै बुझदा आचारसंहिता विपरीत भएको देखिएपछि सबै सामानमा 'सिल' गरिएको आचारसंहिता अनुगनमन समितिका संयोजक सहायक प्रमुख जिल्ला अधिकारी नारायण खत्रीले जानकारी दिए ।

 

अनुगमन समितिका संयोजक खत्रीले भने-'केही चामल वितरण हुँदै थियो । ६ बोरा चामल वितरण हुन लागेकै अवस्थामा हामी पुगेका थियौँ । स्थानीयले सूचना गरेपछि उक्त स्थानमा पुग्दा उम्मेदवारले घरमै पसल भएकोले विक्री वितरण गर्न लागेको भनी जानकारी दिए । हामिले २० बोरा चामल, तीन बोरा नुन, ६ बोरा रसायनिक मलमा 'सिल' गरेका छौँ ।

 

निर्वाचन आचारसंहिता अनुसार आचारसंहिता लागु हुने समयसम्म मतदातालाई प्रभाव पार्ने किसिमले कसैले वस्तु वा जिन्सी सामग्री वितरण गर्न पाइदैन ।

 

नारायाण भुसाल