समाचारहरू

बरहथवा-११ हिरापुर की २२ वर्षीया सविता पालले पुस २१ गते पाँच वर्षीय छोरा अमन पाललाई विष खुवाएर हत्या गरी आफूले आत्महत्या गरेको इलाका प्रहरी कार्यालय बरहथवाले जनाएको छ ।

विष सेवन गराइएका तीन वर्षीय छोरा प्रिन्स पालको अवस्था चिन्ताजनक रहेको जिल्ला प्रहरी कार्यालय सर्लाहीका डिएसपी सिताराम रिजालले बताए ।

प्रिन्सलाई उपचारका लागि पर्साको वीरगञ्जस्थित नेशनल मेडिकल अस्पतालमा पठाइएको रिजालले जानकारी दिएका छन् । विष सेवन गर्नुको कारण खुल्न नसकेको पनि उनले बताए ।

यसअघि पिपरिया-३ की ३० वर्षीया गुन्द्रदेवी पण्डितले गरिबीका कारण १० वर्षीया छोरी चन्दाकुमारीको हत्या गरी आत्महत्या गरेको घटना सार्वजनिक भएको थियो ।

सन्तोषकुमार सिंह