समाचारहरू

फुलपरासी गाविस-४ की ६५ वर्षीया नुनुदेवी रायलाई माघ २ गते धारिलो हतियार प्रहार गरी हात्या गरेको अवस्थामा फेला पारिएको जिल्ला प्रहरी कार्यालय र्सलाहीका डिएसपी सिताराम रिजालले बताएका छन् ।

पीडित महिलाका पति रामपुकार रायको मृत्यु भएको एक महिना नबित्दै माघ २ गते राति विभत्स तरिकाले हत्या भएको प्रहरीले जनाएको छ । घाँटी, टाउको र ढाडमा खुकुरीले काटिएको अवस्थामा मृतकको शव घरमै फेला परेको डिएसपी रिजालले बताए ।

घटना लगतै घटनास्थल पुगेको प्रहरीले अनुसन्धान सुरु गरेको जनाएको छ । शवको पेष्टमार्टम जिल्ला अस्पताल मलङ्गवामा माघ ३ गते गरिएको छ ।

 

सन्तोषकुमार सिंह