द्वन्द्व पीडितलाई राहत वितरण

  ०७३ असार २३ गते

शान्ति तथा पुनःनिर्माण मन्त्रालयले रसुवाका द्वन्द्व पीडितहरूलाई असार २३ गते एक कार्यक्रममा राहत रकम वितरण गरिएको छ ।

सशस्त्र द्वन्द्वका क्रममा राज्य तथा विद्रोही पक्षबाट हत्या गरिएका र बेपत्ता पारिएका व्यक्तिका परिवारलाई स्थानीय शान्ति समितिले राहत रकम वितरण गरेको हो ।

प्रमुख जिल्ला अधिकारी चोमेन्द्र न्यौपाने, इन्सेक जिल्ला प्रतिनिधिलगायतले राहत रकम वितरण गरेका थिए । द्वन्द्वका क्रममा मारिएका २२ जना र बेपत्ता पारिएका एक जनाको परिवारलाई जनही ५ लाख रुपियाँ वितरण गरिएको हो । त्यसैगरी नेपाल प्रहरीका दुई, सशस्त्र प्रहरीका दुई र नेपाली सेनाका एक जनाको परिवारका सदस्यलाई भने १ लाख ७५ हजारका दरले राहत रकम वितरण गरिएको हो ।


हेमनाथ खतिवडा