द्वन्द्वकालीन घटनाका मुद्दामा आममाफी हुँदैनः महान्यायाधिवक्ता

  ०७३ भदौ २६ गते

सरकारका महान्याधिवक्ता रमणकुमार श्रेष्ठले द्वन्द्वकालीन घटनाका मुद्दाहरूमा कुनै पनि हालतमा आममाफी नहुने बताए ।

भदौ २५ गते गुल्मीको तम्घासमा आयोजित एक कार्यक्रममा उनले अन्तर्राष्ट्रिय कानुनले गम्भीर अपराध भनेर परिभाषा गरेका जुनसुकै प्रकारका घटनाहरूमा मुद्दा चल्ने बताएका हुन् ।

वर्तमान अवस्थामा तत्कालीन द्वन्द्वरत पक्ष र सरकारपक्ष अहिले सरकारमा भएको कारण धेरैलाई द्वन्द्वकालीन घटनाका गम्भीर मुद्दाहरूमा आममाफी हुन्छ भन्ने भ्रमहरू सिर्जना गरिएको बताउँदै उनले गम्भीर अपराधमा माफी नहुने प्रष्ट पारे ।


टोपलाल अर्याल