समाचारहरू

गोरखा नपा-लक्ष्मिबजारको द्रव्यशाह क्याम्पस हाताभित्र बम विष्फोट भएको छ । फागुन १६ गते बिहान ११ बजेर ३० मीनेटमा सुतली बम विष्फोट भएको प्रहरीले जनाएको छ ।

विष्फोटका कारण मानवीय र भौतिक क्षति नभएपनि विष्फोट भएको ठाउँमा बारुद र पातपतिङ्गर जलेको जिल्ला प्रहरी कार्यालयका इन्स्पेक्टर महेश्वर उपाध्यायले बताए ।

उक्त बम कसले विष्फोट गराएको हो भन्ने विषयमा एकिन हुन नसकेको प्रहरीले जनाएको छ । स्वतन्त्र विद्यार्थी युनियनको चुनाव आउन दुई दिन बाँकी हुँदा क्याम्पस परिसरमा बम विष्फोट भएपछि विद्यार्थी आतङ्कित भएका छन् । विष्फोटपछि क्याम्पस परिसरमा बाक्लो सङ्ख्यामा सुरक्षाकर्मी परिचालन गरिएको छ ।

हरिराम उप्रेती