दोलखाका १० ओटा मतदान केन्द्रमा पुन: मतदान सुरु

  ०७९ मङ्सिर १५ गते

विवादका कारण रोकिएको दोलखाका १० ओटा मतदान केन्द्रमा ०७९ मङ्सिर १५ गते पुनः मतदान भइरहेको छ ।

मुख्य निर्वाचन अधिकृतको कार्यालय दोलखाका सूचना अधिकारी शिवकुमार पोखरेलका अनुसार बिहान ७ बजेदेखि मतदान सुरु भइरहेको हो।

निर्वाचन आयोगको मङ्सिर ११ गतेको निर्णयले बैतेश्वर गाउँपालिका–२ को जनज्योति माध्यमिक विद्यालयका मतदान केन्द्र क र ख, वडा नम्बर ३ को कालीढुङ्गा माविका क, ख, ग मतदान केन्द्र, वडा नम्बर ६ को बैत्यश्वर माध्यमिक विद्यालय मतदान केन्द्र क, ख, ग तथा तामाकोशी गाउँपालिका वडा नम्बर- ३ हेल्थपोष्ट भवन जफे मतदान केन्द्रका क र ख गरी १० ‌ओटा मतदान केन्द्रमा ४ मङ्सिरमा भएको निर्वाचनलाई रद्द गरी पुनः मतदान गर्ने निर्णय गरी मङ्सिर १५ गते भित्र मतदान गर्न जिल्ला निर्वाचन कार्यलयलाई निर्देशन गरेको थियो ।

सोही अनुसार जिल्ला निर्वाचन कार्यालय दोलखाले मङ्सिर १४ गते उक्त सबै मतदानक केन्द्रमा पुन मतदान गर्ने निर्णय गरेको हो ।

मतदान साँझ ५ बजेसम्म चल्ने छ ।


उद्धव पोखरेल