समाचारहरू

त्रिवेणी गाउँपालिका–१ रुँघाकी ३७ वर्षीया दिलसरा बोहरा खड्कालाई ०७९ असार २६ गते ३६ वर्षीय देवर देउकुमार खड्काले धारिलो हतियार प्रहार गरी घाइते बनाएका छन् ।

धारिलो हतियार प्रहारबाट दिलसरा गम्भीर घाइते भएको र जिल्ला अस्पतालमा प्राथमिक उपचारपछि थप उपचारको लागि उहाँलाई नेपालगञ्ज मेडिकल कलेज शिक्षण अस्पताल, कोहलपुर रिफर गरिएको डा. भिमकान्त जैसीले जानकारी दिनुभयो ।

दिलसराको टाउको र हातमा गहिरो चोट लागेको डा. जैसीले बताउनु भएको छ । घटनाका आरोपित देउकुमार खड्कालाई प्रहरीले असार २७ गते गिरफ्तार गरेको जिल्ला प्रहरी कार्यालय, रुकुम पश्चिमका डीएसपी विष्णु सोतीले जानकारी दिनुभयो ।

जग्गाको विषयमा विवाद हुँदा देउकुमारले भाउजुलाई खुकुरी प्रहार गरी घाइते बनाएको जिल्ला प्रहरी कार्यालय, रुकुम पश्चिमका डीएसपी  सोतीले जानकारी दिनुभयो ।

दिलसराले आफ्नो र छोराहरूको भागमा पर्ने अंश आफुले पाउनुपर्ने माग राखेपछि सोही विषयमा विवाद चुलिदै गएपछि आरोपित देउकुमारले असार २६ गते राति भाउजुलाई खुकुरी प्रहार गरेको प्रारम्भिक अनुसन्धानबाट खुलेको डीएसपी सोतीले बताउनु भयो ।

खुकुरी प्रहारबाट दिलसरा घाइते भएपछि प्रहरीलाई स्थानीयबासीले खबर गरेका थिए ।

मनिषा केसी