समाचारहरू

सोताङ गाउँपालिका—२ का वडासदस्य ४० वर्षीय दुर्गाप्रसाद राई र २५ वर्षीय सन्देश तामाङलाई मोसो र जुत्ताको माला लगाई दिएर दुर्व्यवहार गरेको आरोपमा प्रहरीले तीन जनालाई असार १४ गते गिरफ्तार गरेको छ ।

सोताङ गाउँपालिका—५ का २९ वर्षीय एकराज थापा, ३४ वर्षीय गणेश थापा र ३६ वर्षीय झनककुमार विश्वकर्मालाई गिरफ्तार गरेको प्रहरीले जनाएको छ ।

जेठ १६ गते सोताङ गाउँपालिकाको गाउँकार्यपालिका गठनको लागि भएको निर्वाचनमा राई र तामाङले पैसाको प्रलोभनमा पार्टीको विधान, आचारसंहिता, मर्यादा र ह्वीप विपरित नेपाली कांग्रेसलाई मतदान गरेको आरोपमा तीन जनाले मासो र जुत्ताको माला लगाई दिएर दुर्व्यवहार गरेको प्रहरीले पीडित दुर्गाप्रसादले इन्सेक प्रतिनिधिसँगको फोन सम्पर्कमा बताउनु भयो ।

पीडितद्वयले दुर्व्यवहार भएको भन्दै आरोपितविरुद्ध जेठ २३ गते जिल्ला प्रहरी कार्यालयमा उजुरी दिएका थिए ।

पीडित पक्षको उजुरीका आधारमा आरोपित तीनै जनालाई अनुसन्धानका लागि घरबाटै गिरफ्तार गरेको जिल्ला प्रहरी कार्यालयका इन्स्पेक्टर ज्ञानबहादुर माझीले बताउनु भएको छ ।

अञ्जु कार्की